" အာရှ ယူ-၁၆ အမျိုးသမီးခြေစစ်ပွဲ အဖွင့်ပွဲတွင် မြန်မာက မလေးရှားကို ဂိုးပြတ်အနိုင်ရ "
အသက် (၁၆) နှစ်အောက် အာရှ အမျိုးသမီး ခြေစစ်ပွဲ အုပ်စုအဖွင့်ပွဲတွင် မြန်မာ ယူ-၁၆ အမျိုးသမီးအသင်းက မလေးရှား ယူ-၁၆ အမျိုးသမီး
အသင်းကို ၃-၀ ဂိုးဖြင့် ဂိုးပြတ်အနိုင်ရခဲ့သည်။
စက်တင်ဘာ ၁၉ ရက် က နီပေါနိုင်ငံ APF Stadium Kathmandu တွင် ကျင်းပသည့် ယင်းပွဲတွင် မြန်မာ ယူ-၁၆ အမျိုးသမီးသည် ခြေစွမ်းပြပြီး မလေးရှားအသင်းကို ပွဲချိန်တလျောက် ဖိအားပေး ကစားကာ ဂိုးပြတ်အနိုင်ရခဲ့သည်။
မြန်မာ ယူ-၁၆ အမျိုးသမီးဘောလုံးအသင်း အတွက် အနိုင်ဂိုးများကို တိုက်စစ်မှူး မြတ်နိုးခင် တစ်ဦးတည်းက သုံးဂိုးလုံး သွင်းယူခဲ့သည်။
အဆိုပါ ၂၀၁၉ အာရှ ယူ-၁၆ အမျိုးသမီးခြေစစ်ပွဲကို စက်တင်ဘာ ၁၉ ရက်မှ ၂၃ ရက် အထိ နီပေါ နိုင်ငံတွင် ကျင်းပနေပြီး အုပ်စုခွဲဝေမှုအရ မြန်မာအသင်းက အုပ်စု (င) တွင် အိမ်ရှင်နီပေါ၊ ဖိလစ်ပိုင်၊ မလေးရှား၊ ဆီးရီးယားအသင်းတို့ နှင့် တစ်အုပ်စုတည်း ကျရောက်နေသည်။
မြန်မာ ယူ-၁၆ အမျိုးသမီးသည် အုပ်စုဒုတိယပွဲအဖြစ် စက်တင်ဘာ ၂၁ ရက်တွင် အိမ်ရှင်နီပေါ ယူ-၁၆ အမျိုးသမီးအသင်းနှင့် ဆက်လက်ယှဉ်ပြိုင်ရမည် ဖြစ်သည်။
သတင်း - ရွှေဘုတ်
ဓာတ်ပုံ - MFF
Comments
Post a Comment